Қазақстандық жастарда туындайтын құбылыстарды философиялық талдау

Аннотация

Мақалада Қазақстанның қазіргі жастары арасында туындайтын құбылыстарға философиялық талдау жасалған. Зерттеу мәселені жан-жақты қарастыруға бағытталған салыстырмалы талдау мен эмпирикалық зерттеулерді біріктіретін кешенді тәсілге негізделген. Авторлар жастар арасындағы туындайтын мәселелердің себептерін анықтауға тырысады. Сонымен қатар мәселенің қазіргі жағдайының ең объективті бейнесін алу үшін ғылыми еңбектерді, мақалаларды және басқа да басылымдарды, соның ішінде отандық және халықаралық дереккөздер зерттелген. Салыстырмалы талдау авторларға бірегей және ортақ мәселелерді анықтай отырып, жаһандық үрдістер жағдайында Қазақстандағы жастардың жағдайын бағалауға мүмкіндік береді. Сауалнама жастардан олардың көзқарастарын, өмірлік құндылықтарын және болашақ туралы түсініктерін терең талдау үшін тікелей бастапқы деректерді алу мақсатында жүргізілді. Мақалада рухани шарасыздық, өмірдің мәнін іздеу, рухани бейімделу және өсу сияқты негізгі тақырыптар қозғалған. Қорытындылай келе, авторлар жастар арасындағы заманауи құбылыстарды шешуге кешенді көзқарас моделін ұсынған. Бұл модель терең талдау мен ауқымды зерттеулерге негізделген, яғни алынған білім мен ұсыныстардың қосындысы болып табылады. Жастардың алдында тұрған рухани, мәдени және әлеуметтік мәселелерді тереңірек түсінуге ықпал ететін және қазіргі заманғы мәселелер жағдайында олардың дамуы мен әл-ауқатын қолдау үшін сындарлы шешімдер ұсынылған.